logo

የአሶሳ ዩኒቨርሲቲ ፕሬዝዳንት በያዝነዉ ክረምት የተሰሩ ስራዎችን

የአካዳሚክ ጉዳዮች ም/ፕሬዝዳንት ከላቦራቶሪ ቴክኒሻኖች ጋር የ2013 ዓ/ም የት/ትሂደት ላይ ሲወያዩ ይህ ስራም በተሳካ ሁኔታ እንድሄድ በዚህ የክረምት ዝግጅት ወቅት የመማሪያ ግበኣቶች የማሟላት፣ የመብራት ፖል ዝርጋታ ፣ዶርሚተሪዎችን ማደስና ምቹ የማድረግ እና ኢንተርኔትን በሁሉም ቦታና ዶርም ተደራሽ የማድረግ ስራ በአስተዳደርና ተማሪዎች አገልግሎት ዝግጅት ኮሚቴ በኩል መሰራቱን አብራርተዋል፡፡ አክለዉም ተማሪዎች ከዚህ በፊት በዶርም ሲኖሩ ከነበረዉ ቁጥር በግማሽ በመቀነስ እንድኖሩ ለማድረግና የመመገቢያ አዳራሹም ርቀትን ጠብቆ መመገብ በሚቻልበት ብሎም በዘመነ መልኩ ምግብ የሚዘጋጅበት ሂደት እንድኖር በርካታ መሰረታዊ ለዉጦች መደረጋቸዉን አብራርተዋል፡፡ ሌላዉና ሶስተኛዉ ኮሚቴ የኮረና ቫይረስ መከላከል ዝግጅት እና የማህበረሰብ አገልግሎት ኮሚቴ እየሰራቸዉ የሚገኙ ስራዎችን ሲያብራሩ፤ዩኒቨርሲቲዉ ድንበር አካባቢ የሚገኝ በመሆኑ ድንበር አቋርጠዉ የሚመጡ ዜጎችን ለይቶ ማቆያ እስከመሆንና ለአካባቢዉ ማህበረሰብ ቫይረሱን የመከላከል ግንዛቤ ከመፍጠር እስከ ልዩ ልዩ ድጋፎች መደረጋቸዉን ገልጸዋል፡፡ ድጋፉንም ሲገልጹ ወረርሽኙ በፈጠረዉ ችግር ምክኒያት ቤታቸዉ ቁጭ ብለዉ የእለት ኑሮኣቸዉን መሸፈን ላልቻሉ ወገኖች ሁለት ሚሊዮን ብር የሚያወጣ የምግብ ድጋፍ በክልሉ በሁሉም ወረዳዎች መደረጉን ገልጸዋል፡፡በተጨማሪም የእጅ ንጽህና መጠበቂያ ሳኒታይዘር እና ከእጅ ንክኪ ነጻ የሆነ የእጅ ማስታጠቢያ ድጋፍ መደረጉን ተናግረዋል፡፡ ከዚህ ጎን ለጎንም ለዩኒቨርሲቲዉ ተጨማሪ የንፁህ መጠጥ ዉኃ ማስፋፊያ በ1.5 ሚሊዮን ብር ተገንብቶ አገልግሎቱ የአካባቢዉን ማህበረሰብ ተጠቃሚ ማድረጉን ተናግረዋል፡፡ እንድሁም እጅግ የድሀ ድሀ ለሆኑ ስድስት አባዉራዎች የመኖሪያ ቤት ለማሰራት የግንባታ ስራ መጀመሩን ገልፀዉ ለአምባ ሶስት ቀበሌ መንገድ ለማሰራት መታቀዱን ገልጸዋል፡፡ በመጨረሻም ፕሬዝዳንቱ የሳይንስና ከፍተኛ ትምህርት ሚኒስተር እንደሀገር የተማሪዎችን መግቢያ በሚወስንበት ጊዜ ተማሪዎቻችንን ከዚህ በፊት ከምናደርገዉ አቀባበልና መስተንግዶ በበለጠ መልኩ ተቀብለን ለማስተማር እየተዘጋጀን ነዉ ሲሉ ሀሳባቸዉን ሰጥተዋል፡፡

Image

Leave comment