logo

የአሶሳ ዩኒቨርሲቲ ፕሬዝዳንት በያዝነዉ ክረምት የተሰሩ ስራዎችን እና በ2013 ዓ.ም ሊሰሩ ስለታቀዱ ስራዎች ገለጻ አደረጉ

የዩኒቨርሲቲዉ ፕሬዝዳንት ዶ/ር ከማል አብዱራሂም ነሀሴ 22/2012 ዓ.ም ከዩኒቨርሲቲዉ ህዝብና ዓለም አቀፍ ግንኙነት ዳይሬክቶሬት ባለሙያዎች ጋር በነበራቸዉ ቆይታ በ2012 ዓ.ም በክረምት የዝግጅት ምእራፍ በርካታ ስራዎች መሰራታቸዉንና በ2013 ዓ.ም ሊሰሩ የታቀዱ ስራዎችን አብራርተዋል፡፡ ፕሬዝዳንቱ ማብራሪያቸዉን ሲጀምሩ በዩኒቨርሲቲዉ የኮረና ቫይረስ ወረርሽኝ ከተከሰተበት ጊዜ ጀምሮ ሶስት አበይት ኮሚቴዎች ተቋቁመዉ የትግበራ እቅድ አዘጋጅተዉ በመንቀሳቀስ ላይ እንደሆኑና ኮሚቴዎቹም ፡-የአካዳሚክ ዝግጅት ኮሚቴ፣የኮረና ቫይረስ መከላከል ዝግጅት እና የማህበረሰብ አገልግሎት ኮሚቴ እንድሁም የአስተዳደርና ተማሪዎች አገልግሎት ዝግጅት ኮሚቴ ሆነዉ በፕሬዝዳንቱ የሚመሩ እንደሆኑ ገልጸዋል፡፡ ከዚህ በመነሳትም በአካዳሚክ ዝግጅት ኮሚቴ ሊሰሩ የታቀዱ ስራዎችን ሲያብራሩ በ2013 ዓ.ም ድርብ ድርብርብ ስራዎች የሚጠብቁን በመሆኑ፤ ይህም ሲባል በ2012 ዓ.ም በወረርሽኙ ምክኒያት የባከነዉን የመማር ማስተማር ስራ ለማካካስ ነባር ተማሪዎች በ45 ቀናት እና በ2012 ዓ.ም የገቡ የአንደኛ ዓመት ተማሪዎች በ60 ቀናት የቀሩአቸዉን ኮርሶች እንዲሸፈኑ፤ የ2013 ዓ.ም ትምህርት ሲጀመር ከወትሮዉ በተለየ መልኩ ሊሰራ ዘርፈ ብዙ ዝግጅት እየተደረገ መሆኑን ተናግረዋል፡፡ ከዚህ ጋርም አያይዘዉ ይህ ሁሉ ሲሰራ የኮረና ወረርሽኝ እስካልጠፋ ድረስ በጤና ባለሙያዎች በታገዘ መልኩ የቫይረሱ መከላከያ ተግባራት በጥብቅ ድስፕሊን ይመራሉ ነዉ ያሉት፡፡ የመማር ማስተማሩ ስራም ከሌላ ጊዜዉ በተለየ ሁኔታ በማታና በእረፍት ቀናት ጭምር የሚካሄድ ይሆናል ብለዋል፡፡

Image

Leave comment