logo

ማስታወቂያ :-ለአሶሳ ዩኒቨርሲቲ ማህበረሰብ በሙሉ

Posted On: March 19, 2020

የኮሮና ቫይረስ በአሁኑ ሰዓት የአለም ስጋት መሆኑ በብዙሀን መገናኛዎች እየተሰራጨ ይገኛል፡፡ የኮሮና ቫይረስ መተላለፊያ መንገድ በሰዎች ንክኪ በመሆኑ ዩኒቨርሲቲዎች ደግሞ ሰዎች በብዛት የሚገኙበት ቦታ እንደመሆናቸው መጠን የአሶሳ ዩኒቨርሲቲ ማኔጅመንት የበሽታዉ ስጋት እስኪቆም ድረስ በዩኒቨርሲቲዉ ሊወሰዱ የሚገቡ ቅድመ ሁኔታዎች ላይ በቀን 07/07/2012 ዓ.ም በመወያየት የሚከተሉትን ውሳኔዎች በማስተላለፍ ከ08/07/2012 ዓ.ም ጀምሮ ወደ ሥራ ገብቷል፡፡

  1. በዩኒቨርሲቲው ሰባት አባላት ያሉት ግብረ ኃይል አቋቁሞ የበሽታዉን ሁኔታ በየቀኑ እየተከታተለ እና መረጃ እያደራጀ ለህዝብ ተደራሽ ያደርጋል፡፡
  2. ከ08-07-2012 ዓ/ም ጀምሮ ለተከታታይ ሁለት ሳምንታት መምህራን ለተማሪዎች ፊት ለፊት የሚያሰተምሯቸዉን ትምህርቶች በማሰቀረት ለተማሪዎች Hand out, reference books, and soft copy materials በበቂ ሁኔታ በማቅረብ እና ሌሎች ዘዴዎችን በመጠቀም በግላቸዉ/ በዶርማቸዉ ሆነዉ እንዲያነቡ፤ መምህራን በኢሜይልና በተለያዩ ዘዴዎች የመማር ማስተማሩን ስራ አንዲመሩት የተወሰነ ሲሆን፤ ይህንን ተግባራዊ ማድረጋቸዉን በኮሚቴው ይረጋገጣል፡፡
  3. ተማሪዎች በምግብ ቤትና ቤተ-መፅሀፈት አካባቢ መተፋፈግን ለማስቀረት የመቀመጫዎች መጠጋጋት እንዳይኖር የአገልግሎት ሰዓት እንዲራዘም ተደርጓል፡፡
  4. በዩኒቨርሲቲው ስብሰባዎች እንዳይኖሩ፤ አስገዳጅ ስብሰባዎች እንኳ ቢኖሩ ሰፋ ባለአዳራሽ አንዲካሄዱ፡፡
  5. በዩኒቨርሲቲው 11/07/2012 ዓ.ም ጀምሮ ለሁለት ቀናት ታስቦ የነበረው ሀገር አቀፍ የምርምር ኮንፍረስ ላልተወሰነ ጊዜ እንዲራዘም ተደርጓል፡፡
  6. የተለየ የበሽታዉ ምልክት ቢከሰት የተጠርጣሪዎች ለይቶ የማቆያ ክፍል እና የጥቆማ ለመስጠት ስልክ ቁጥር (0917072312) ይጠቀሙ፡፡
  7. ለበሽታ ቅድመ መከላከል የሚውሉ የንጽህና መጠበቂያና አስፈላጊ ቁሳቁሶች ለተማሪዎችና ለበሽታው ተጋላጭ ሠራተኞች በነፍስ ወከፍ እንዲሰራጩ፤ በማዕከላትም እንዲቀመጡ መወሰኑ፡፡
  8. ከክልሉ ጋር በመሆን COVID_19 የመከላከል ሥራ በጋራ ለመስራት ዝግጁ መሆኑ፡፡
  9. ለተቋሙ ሠራተኞች የሚያገለግሉ የትራንስፖርት አገልግሎት ሰጪ ተሸከርካሪዎች በወንበራቸው ቁጥር ብቻ እንዲጭኑ የሚሉት ነጥቦች የዩኒቨርሲቲው ማኔጅመንት ወስኖ ወደ ሥራ ገብቷል፡፡

የአሶሳ ዩኒቨርሲቲ

Image